Thursday, October 3, 2013

Rama i zhvat pronën me vendim qeverie edhe Rudina Magjistarit

Shkruar nga Erind Koci
Edi Rama hakmerret ndaj ish-gruas së tij, Rudina Magjistari, duke i kaluar pronat e saj në Durrës në administrim të Ministrisë së Brendshme.


Në mbledhjen e fundit të qeverisë, Rama ka shfuqizuar vendimin që i kthen familjes sw Rudina Magjistarit pronën si pronare legjitime duke e kaluar atë nën administrimin e Gardës së Republikës.

Sipërfaqja e tokës në fjalë është në Durrës dhe në vitin 2007, qeveria e djathtë me kërkesë të Ministrisë së Brendshme miratoi një vendim për kalimin në administrim të një sipërfaqe toke Gardës së Republikës. Kërkesa e Ministrisë së Brendshme për kalimin e kësaj prone në administrimin e Gardës së Republikës u bë pa dijeni të pronarëve të ligjshëm të saj për shkak të problematikës të regjistrave të pronave.
Rreth tre muaj më parë, me nisjen e aplikimit të sistemit spanjoll për krijimin e hartës dixhitale të tokës, Magjistari interesohet pranë zyrave të Hipotekës në qytetin e Durrësit për të marrë një çertifikatë pronësie për sipërfaqen e tokës që zotëron ajo dhe familja e saj dhe aty informohet që sipërfaqja në fjalë i ka kaluar për administrim Gardës së Republikës nga Ministria e Brendshme.
Më pas, ajo ka bërë një kërkesë pranë instancave për të zgjidhur rastin në fjalë.
Pas verifikimit të të gjithë dokumentacionit përkatës rezultoi se, Magjistari dhe familja e saj ishin pronarë të ligjshëm të pronës në fjalë.
Kështu, pas verifikimeve përkatëse, Kryeministri Berisha shfuqizoi vendimin në fjalë, duke i hapur rrugë rikthimit të pronës pronarëve legjitimë, në rastin konkret Rudina Magjistarit dhe familjes së saj.
Vendimi që tashmë është botuar në Fletore Zyrtare e bën Magjistarin pronare legjitime të pronës, pasi ajo dhe familja e saj tashmë janë pajisur me çertifikatën e pronësisë dhe të gjitha dokumentat e tjera ligjore që konfirmojnë pronësinë e tyre.
Vendimi që Rama miratoi për kalimin e kësaj prone në administrim të Gardës së Republikës, përveçse është qesharak dhe dëshmi e hakmarrjes së tij primitive nuk ka asnjë fuqi ligjore, sepse prona në fjalë ka pronarët e saj legjitimë.
Por ndërkohë, që ndaj Majgistarit ka vendosur të hakmerret, Edi Rama ka tjetër standard me ish-gruan tjetër të tij, Delina Fico, pasi bashkëshortin e saj, Bledi Çuçin, ai e ka emëruar ministër për Çështjet Vendore, duke e futur në kabinetin e tij qeveritar dhe në radhët e bashkëpunëtorëve të ngushtë.

No comments: