Rama dështon në Peqin, sherr me Pezën, e përze nga Librazhdi (fotot)

Rama ka dështuar sot në mitingun përmbyllës të fushatës elektorale të PS në Peqin.

Megjithëse kishte orientuar strukturat e PS për të organizuar mitingun duke kërkuar pjesmarrjen e shumë vetëve, në shesh janë grumbulluar shumë pak mbështetës të PS. Duke parë këtë gjendje, Rama i është hakërryer kandidatit socialist për deputet në Peqin, Afred Peza duke e cilësuar atë një deshtak.

Rama është irrituar jashtë mase duke dalë jashtë kontrollit dhe ka sharë e fyer me fjalë të rënda kandidatin e tij, Peza. Rama i është drejtuar Pezës me fjalët: “M’u hiq sysh, mos të të shoh më”.

I nxirë në fytyrë dhe me lëvizje duarsh të pakuptimta, Rama ka foluar fare pak gjatë mitingut dhe më pas është larguar drejt Librazhdit, por nuk e ka marrë me vete Pezën. Ky fakt ka rënë në sy për keq tek militantët e PS. Në të gjitha rastet e tjera kur Rama bënte mitingje në qytetet të ndryshme, ka marrë me vete të gjithë kandidatët e PS për deputetë sipas qarqeve. Pas mitingut të Peqinit, Rama ka shkuar në Librazhd, por bashkë me të në tribunë ndodheshin të gjithë kandidatët e PS për Qarkun e Elbasanit, përveç Pezës, i cili nuk ishte lejuar nga Rama që të vinte në Librazhd.

Gjithsesi, irritimi nga dështimi në Peqin është dukur qartë edhe në mitingun e Librazhdit. Rama në mitingun përmbyllës në Librazhd ka sulmuar investimet e qeverisë duke i cilësuar ato si investime elektorale. Ai tha se tuneli Tiranë-Elbasan është hapur me lekët e shqiptarëve, por kjo deklaratë ka ngjallur reagime sepse ai e prnaoi vetë që lekët e shqiptarëve kanë shkuar për investime, siç është rasti i tunelit Tiranë-Elbasan. Pak ditë më parë Rama dështoi edhe në mitinguun e Libohovës në Gjirokastër.