Sunday, July 18, 2010

Poezitë më të bukura të Hermann Hesse

Hermann Hesse u ka dhënë brezave të tërë fjalët më të bukura për dashurinë të shkruara ndonjëherë dhe ka shkruar fraza që tashmë kanë hyrë në jetën tonë. Për një persona special dhe që e dashuroni, këto poezi janë deklarata dashurie më të mëdha. Hesse, përveçse shkroi libra të mrekullueshme, u përballë me dashurinë në të gjitha aspektet e saj duke na dhuruar poezi të jashtëzakonshme. Sot po ua propozojmë tri prej tyre ndër më të bukura sipas meje të shkruara ndonjëherë.

Pse të dua

Pse të dua, netëve kam ardhur te ty

Ashtu, vrullshëm dhe në mëdyshje

Dhe ti nuk mundesh të më harrosh kurrë

Shpirtin tënd kam ardhur ta grabis.

Tani ajo është e imja- i gjithi më përket

Në të mirë e në të keq,

Nga dashuria ime e vrullshme dhe e guximshme

Asnjë engjëll nuk mund të shpëtojë.

“Rreth dashurisë”

Quhet dashuri çdo superioritet, çdo aftësi për mirëkuptim

Çdo aftësi të buzëqeshësh në dhembje.

Dashuria për vetveten dhe fatin tonë, pranim i dashur

Për atë çka është e padepërtueshme për të bërë

Edhe kur nuk jemi ende në gjendje të shohim e të mirëkuptojmë

Kjo është ajo çfarë ne synojmë.

***

Unë të pyeta se pse sytë e tu

Mbyten në sytë e mi

Si një kastë yjesh të qiellit

Në një valë të errtë re.

Më vështrove gjatë

Si vështron një fëmijë,

Më the pastaj me mirësjellje:

Të dua shumë, sepse je kaq i trishtuar.

B.Merko


Poezitë më  të bukura të Hermann Hesse

No comments: